வாக்காளர் அடையாள அட்டையை ஆதார் எண்ணுடன் இணைக்கும் புதிய சட்டத்திற்கு மத்திய அரசு ஒப்புதல் வழங்கியுள்ளது. வாக்காளர் அட்டையுடன் ஆதார் அட்டையை இணைப்பதன் மூலம் தங்கள் பெயரில் வேறு யாரேனும் வாக்களிப்பதை தடுக்கலாம். இவை இரண்டையும் இணைத்து விட்டால் வாக்காளர்களுக்கு பாதுகாப்பானதாக இருக்கும். அதன்படிவாக்காளர் அட்டையுடன் ஆதார் எண்ணை எப்படி இணைப்பது பற்றி இந்த பதிவில் விரிவாக பார்க்கலாம்.
- முதலில் Visit https://voterportal.eci.gov.in/ என்ற இணையதள பக்கத்திற்கு சென்று லாக் இன் செய்ய வேண்டும்.
- உங்களின் மொபைல் எண் அல்லது மின்னஞ்சல் அல்லது வாக்காளர் எண் பதிவு செய்ய வேண்டும்.
- எந்த மாநிலம், மாவட்டம், தனிப்பட்ட விவரங்களான பெயர், பிறந்த தேதி, தந்தை பெயரைக் குறிப்பிட வேண்டும்
- இந்த விவரங்களைப் பதிவு செய்த பிறகு சர்ச் பட்டனை க்ளிக் செய்து, அரசின் டேட்டாபேஸில் நீங்கள் பதிவிட்ட விவரங்கள் பொருத்தமாக இருந்தால் அவை திரையில் தோன்றும்,
- ஆதார் எண்ணை பதிவிடுங்கள் என்ற கட்டம் திரையின் இடது பக்கத்தில் இருக்கும். அதை க்ளிக் செய்ய வேண்டும்.
- ஒரு சிறிய திரை உருவாகும். அதில் ஆதார் அட்டையில் குறிப்பிட்டுள்ள படி உங்கள் பெயர், ஆதார் எண், வாக்காளர் அடையாள எண், மொபைல் எண், மின்னஞ்சல் முகவரியைக் குறிப்பிட வேண்டும்.
- அனைத்து விவரங்களையும் சரியாக இணைத்தபின், அதைச் சரிபார்த்தபின், சப்மிட் பட்டனை அழுத்த வேண்டும்
- திரையில் உங்கள் விண்ணப்பம் வெற்றிகரமாகப் பதிவு செய்யப்பட்டது என்ற தகவல் வரும்.
இதன் மூலம் ஆதார் எண்-வாக்காளர் அட்டையை இணைக்கலாம்.