ஐசிசி நவம்பர் மாத சிறந்த வீரருக்கான விருது ஆஸ்திரேலிய அணி வீரர் டேவிட் வார்னருக்கு வழங்கப்பட்டுள்ளது .
ஒவ்வொரு மாதமும் கிரிக்கெட்டில் சிறந்து விளங்கும் வீரர், வீராங்கனைகளுக்கு ஐசிசி சார்பில் விருது வழங்கி கவுரவிக்கப்படுகிறது .அதன்படி கடந்த நவம்பர் மாத சிறந்த வீரருக்கான விருதுக்கு ஆஸ்திரேலிய அணி வீரர் டேவிட் வார்னர் தேர்வாகியுள்ளார். சமீபத்தில் நடந்த டி20 உலக கோப்பை போட்டியில் டேவிட் வார்னர் தனது சிறந்த ஆட்டத்தின் மூலம் அணியின் வெற்றிக்கு முக்கிய பங்கு வகித்தார்.
அதோடு டி20 உலக கோப்பை தொடரில் 7 போட்டிகளில் விளையாடியுள்ள அவர் 289 ரன்கள் குவித்துள்ளார் .அதேசமயம் ஆஸ்திரேலிய அணி கோப்பையை வெல்ல முக்கிய பங்கு வகித்தார். இதன் காரணமாக டேவிட் வார்னருக்கு சிறந்த வீரருக்கான விருது வழங்கப்பட்டுள்ளது . இதேபோல் மகளிர் கிரிக்கெட்டில் வெஸ்ட் இண்டீஸ் அணியின் ஆல்ரவுண்டரான ஹாய்லி மேத்யூஸ் சிறந்த வீராங்கனை விருதுக்கு தேர்வாகியுள்ளார்.