இந்தியாவில் எல்லா விஷயங்களுக்கும் ஆதார் அவசியம். ரயில் பயணம் செய்வதற்கு, கொரோனா ஊசி போடுவதற்கு, இறப்புச் சான்றிதழ் வாங்குவதற்கும் ஆதார் வேண்டும். அரசின் நலத்திட்ட உதவிகளைப் பெறவும் ஆதார் வேண்டும். விரைவில் பொது கழிப்பறையைப் பயன்படுத்துவதற்குக் கூட ஆதார் வேண்டும் என்ற நிலைமை வந்துவிடும்போல. அந்த அளவுக்கு இந்தியாவில் ஆதார் படிப்படியாக அனைத்து விஷயங்களுக்கும் கட்டாயமாக்கப்பட்டு வருகிறது.
அப்படிப்பட்ட மிக முக்கியமான ஆவணமாக உள்ள ஆதார் எப்போதுமே கையில் இருப்பது நல்லது. அதை கையில் வைத்துக்கொண்டே அலைவதும் சற்று சிரமமான ஒன்றுதான். சில நேரங்களில் ஆதார் கார்டை எடுத்துச் செல்ல மறந்துவிடுவோம். இதுபோன்ற நேரத்தில் டிஜிட்டல் ஆதார் கார்டு உதவும். இதை ஸ்மார்ட்போனிலெயே நீங்கள் வைத்துக்கொள்ளலாம். இதை டவுன்லோடு செய்வதும் ஈசி.
முதலில் ஆதார் அமைப்பின் (UIDAI) https://uidai.gov.in/ என்ற வெப்சைட்டில் சென்று ‘Get Aadhaar’ என்ற ஆப்சனில் Download Aadhar என்பதை கிளிக் செய்து ஆதார் கார்டை டவுன்லோடு செய்யலாம். உள்ளே சென்றவுடன் உங்களுடைய 12 இலக்க ஆதார் எண்ணைப் பதிவிட வேண்டும். கேப்ட்சா குறியீட்டையும் உள்ளிட்டு ’send OTP’ கொடுத்தால் உங்களுடைய மொபைல் நம்பருக்கு ஓடிபி வரும். அதைப் பதிவிட்டு ‘Verify and download’ கொடுத்தவுடன் PDF வடிவத்தில் டிஜிட்டல் ஆதார் பதிவிறக்கம் ஆகிவிடும்.