கனடாவில் பெண்கள் நாடாளுமன்ற உறுப்பினராகி 100 வருடங்கள் ஆன நிலையில் அது ஒரு நிகழ்ச்சியாக கொண்டாடப்பட்டது.
கனடாவின் முதல் பெண் நாடாளுமன்ற உறுப்பினராக Agnes Macphail என்பவர் கடந்த 1921 ஆம் வருடம் தேர்வு செய்யப்பட்டார். இது நடந்து 100 வருடங்கள் ஆன நிலையில் இதை Equal Voice என்ற அமைப்பு கொண்டாட்ட நிகழ்ச்சியாக ஒட்டாவாவில் நடத்தியது. இதில் Equal Voice என்பது கனடாவில் ஆண்களுக்கு சரி சமமாக பெண்களும் அரசியல் மற்றும் பதவிகளில் பிரதிபலிக்க வேண்டும் என்பதற்காக தொடங்கப்பட்ட அமைப்பாகும்.
இந்நிகழ்ச்சியில் நாட்டின் பாதுகாப்பு துறை அமைச்சரான தமிழ் வம்சாவளி பெண் அனிதா ஆனந்த் கலந்து கொண்டார். இது தொடர்பாக அவரின் டுவிட்டர் பதிவில் “கனடா அரசியலுக்கு அதிகமான பெண்கள் மற்றும் பன்முகத் தலைவர்கள் தேவை. 2021 முதல் Equal Voice CA நாடு முழுவதும் உள்ள நமது நாடாளுமன்றம், மாகாண மற்றும் பிராந்திய சட்டமன்றங்கள், நகர அரங்குகளில் சமமான பிரதிநிதித்துவத்திற்காக வாதிடவும், செயல்படுத்தவும் கடுமையாக உழைத்து வருகிறது” என பதிவிட்டுள்ளார்.