ஐசிசி உலக டெஸ்ட் சாம்பியன்ஷிப் தரவரிசை பட்டியலில் பாகிஸ்தான் அணி 2-வது இடத்துக்கு முன்னேறியுள்ளது.
பாகிஸ்தான் மற்றும் வங்காளதேசம் அணிகளுக்கிடையேயான முதல் டெஸ்ட் போட்டி சட்டோகிராமில் நடைபெற்றது. இதில் 8 விக்கெட் வித்தியாசத்தில் அபார வெற்றி பெற்ற பாகிஸ்தான் அணி 1-0 என்ற கணக்கில் தொடரில் முன்னிலையில் உள்ளது. இப்போட்டியில் முதல் இன்னிங்சில் களமிறங்கிய வங்காளதேசஅணி 330 ரன்கள் குவித்தது .இதன்பிறகு களமிறங்கிய பாகிஸ்தான் அணி 286 ரன்கள் எடுத்தது. ஆனால் 2-வது இன்னிங்சில் வங்காளதேச அணி ஷாகின் அப்ரிடியின் பந்து வீச்சுக்கு ஈடுகொடுக்க முடியாமல் 5 விக்கெட் இழந்து தடுமாறியது.
The #WTC23 standings after Pakistan’s victory over Bangladesh 👇 pic.twitter.com/z8c8JgYDXX
— ICC (@ICC) November 30, 2021
இதன்பிறகு 202 ரன்கள் எடுத்தால் வெற்றி என்ற இலக்குடன் பாகிஸ்தான் அணி களமிறங்கியது. இறுதியாக பாகிஸ்தான் அணி 2 விக்கெட் இழப்புக்கு 203 ரன்கள் குவித்து 8 விக்கெட் வித்தியாசத்தில் அபார வெற்றி பெற்றது. மேலும் இத்தொடர் உலக டெஸ்ட் சாம்பியன்ஷிப்க்கான போட்டி என்பதால் ஐசிசி உலக டெஸ்ட் சாம்பியன்ஷிப் புள்ளி பட்டியலில் பாகிஸ்தான் அணி 2-வது இடத்துக்கு முன்னேறியுள்ளது.