தனியார் மருத்துவமனையில் மருத்துவம் பெற்று வரும் நடிகர் பவர்ஸ்டார் சீனிவாசன் வதந்திகளை நம்ப வேண்டாம் என தெரிவித்துள்ளார்.
படப்பிடிப்பு தளத்தில் ஏற்பட்ட காயம் காரணமாக நடிகர் பவர்ஸ்டார் சீனிவாசன் சென்னையில் இருக்கும் தனியார் மருத்துவமனையில் மருத்துவம் பெற்று வருகிறார். இந்த நிலையில் சமூக வலைத்தளங்களில் அவர் குறித்த பல்வேறு வதந்திகள் பரவி வந்தன.
இது குறித்து பேசிய பவர் ஸ்டார் சீனிவாசன், ஏற்கனவே சர்க்கரை நோய் உள்ள நிலையில் முதுகு தண்டுவடத்தில் ஏற்பட்ட பிரச்சினை காரணமாக, மருத்துவம் பெற்று வருவதாகவும் குறிப்பிட்டார். இணையதளத்தில் தான் இறந்து விட்டதாக கூறி தகவல்களை பரப்பி வருகின்றனர் எனவும், இது தனக்கு மிகுந்த மனவருத்தத்தை ஏற்படுத்தியது எனவும், தான் உயிருடன் இருப்பதாகவும், மக்கள் வதந்திகளை நம்ப வேண்டாம் எனவும் தெரிவித்துள்ளார்.