மரைக்கார் அரபிக்கடலின்டே சிம்ஹம் படத்தின் டீசர் வெளியாகியுள்ளது.
மலையாளத் திரையுலகில் முன்னணி நடிகராக வலம் வருபவர் மோகன்லால். தற்போது இவர் ப்ரோ டாடி, மரைக்கார் அரபிக் கடலின்டே சிம்ஹம், டுவல்த் மேன், அலோன் உள்ளிட்ட படங்களை கைவசம் வைத்துள்ளார். இதில் பிரம்மாண்டமாக உருவாகியுள்ள மரைக்கார் அரபிக்கடலின்டே சிம்ஹம் படத்தை பிரியதர்ஷன் எழுதி இயக்கியுள்ளார். மேலும் இந்த படத்தில் கீர்த்தி சுரேஷ், மஞ்சுவாரியர், பிரபு, ஆக்சன் கிங் அர்ஜுன், அசோக் செல்வன், கல்யாணி பிரியதர்ஷன், சுனில் ஷெட்டி உள்ளிட பலர் முக்கிய கதாபாத்திரங்களில் நடித்துள்ளனர் .
ஆண்டனி பெரும்பாவூர் தயாரித்துள்ள இந்த படத்திற்கு ரோனி ராஃபெல் இசையமைத்துள்ளார். இந்த படத்தின் டிரைலர் வெளியாகி ரசிகர்களிடையே மிகப்பெரிய எதிர்பார்ப்பை ஏற்படுத்தியுள்ளது. மேலும் வருகிற டிசம்பர் 2-ஆம் தேதி இந்த படம் உலகமெங்கும் தியேட்டர்களில் ரிலீஸாக இருக்கிறது. இந்நிலையில் மரைக்கார் அரபிக்கடலின்டே சிம்ஹம் படத்தின் அதிரடியான டீஸர் வெளியாகியுள்ளது .