மாநாடு திரைப்படத்தை வெளியிட வற்புறுத்தி சிம்பு ரசிகர்கள் மதுரையில் ஆர்ப்பாட்டம் செய்து வருகின்றனர்.
வெங்கட்பிரபு இயக்கத்தில் சிம்பு நடிப்பில் உருவாகியுள்ள படம் மாநாடு. இந்த படத்தை சுரேஷ் காமாட்சி தயாரித்துள்ளார். இவர் இன்று தனது ட்விட்டர் பக்கத்தில் “நிறைய கனவுகளோடு படைக்கப்பட்ட ஒரு படைப்பின் பிரசவத்தை எதிர்நோக்கி காத்திருந்தேன். தவிர்க்க இயலாத காரணங்களால் மாநாடு படம் வெளியீடு தள்ளி வைக்கப்படுகிறது என்பதை மிகுந்த வலியோடு தெரிவித்துக்கொள்கிறேன். வெளியாகும் தேதி பின்னர் அறிவிக்கப்படும். ஏற்பட்ட சிரமங்களுக்கு வருந்துகிறேன்” என்று தெரிவித்திருந்தார்.
இந்நிலையில் மாநாடு திரைப்படம் வெளியீடு தள்ளிப் போவதாக அறிவிக்கப்பட்டதை தொடர்ந்து திட்டமிட்டபடி படத்தை வெளியிட வற்புறுத்தி சிம்பு ரசிகர்கள் மதுரை தங்கரீகல் திரையரங்கம் முன்பாக ஆர்ப்பாட்டம் செய்து வருகின்றனர்.