மாநாடு படத்தின் பாடல்கள் ரிலீஸ் குறித்த தகவல் வெளியாகியுள்ளது.
தமிழ் திரையுலகில் முன்னணி நடிகராக வலம் வரும் சிம்பு நடிப்பில் உருவாகியுள்ள திரைப்படம் மாநாடு. வெங்கட் பிரபு இயக்கியுள்ள இந்த படத்தில் கல்யாணி பிரியதர்ஷன் கதாநாயகியாக நடித்துள்ளார். மேலும் எஸ்.ஜே.சூர்யா, பிரேம்ஜி அமரன், மனோஜ், எஸ்.ஏ.சந்திரசேகர், டேனியல் உள்ளிட்ட பலர் முக்கிய கதாபாத்திரங்களில் நடித்துள்ளனர்.
சுரேஷ் காமாட்சி தயாரித்துள்ள இந்த படத்திற்கு யுவன் ஷங்கர் ராஜா இசையமைத்துள்ளார். வருகிற நவம்பர் 25-ஆம் தேதி மாநாடு படம் தியேட்டர்களில் ரிலீஸாகவுள்ளது. தற்போது இந்த படத்தின் புரமோஷன் பணிகள் விறுவிறுப்பாக நடைபெற்று வருகிறது. இந்நிலையில் மாநாடு படத்தின் பாடல்கள் வருகிற நவம்பர் 18-ஆம் தேதி ரிலீஸாகும் என தகவல் வெளியாகியுள்ளது.