Categories
தேசிய செய்திகள்

“விதைத்தவன் உறங்கினாலும் விதைகள் உறங்குவதில்லை….” 15 நாட்களில் 6000 பேர் கண் தானம்….!!

கன்னட நடிகர் புனித் ராஜ்குமார் மரணமடைந்து 15 நாட்களில் 6 ஆயிரம் பேர் தங்கள் கண்களை தானம் செய்துள்ளனர்.

கன்னட திரையுலகில் பிரபல நடிகராக இருந்து வந்த புனித் ராஜ்குமார் கடந்த அக்டோபர் மாதம் 29 ஆம் தேதி மரணமடைந்தார். அவருடைய இரண்டு கண்களும் தானமாக வழங்கப்பட்டதில் நான்கு பேருக்கு பார்வை கிடைத்தது. இதனால் புனித் ராஜ்குமார் கண் தானம் செய்ததை தொடர்ந்து அவருடைய ரசிகர்களும் கண் தானம் செய்வதில் ஆர்வம் காட்டி வருகின்றனர். மேலும் அவருடைய ரசிகர்கள் மட்டுமின்றி பொதுமக்களும் தாமாக முன்வந்து கர்நாடகாவில் உள்ள பல தனியார் மருத்துவமனைகளில் கண் தானம் செய்வதாக பதிவு செய்துள்ளனர்.

இதனால் புனித் ராஜ்குமார் இறந்த 15 நாட்களுக்குள் சுமார் 6 ஆயிரம் பேர் தங்கள் கண்களை தானம் செய்துள்ளனர். பெங்களூரு நாராயணா நேத்ராலயா மருத்துவமனையில் 15 நாட்களில் சுமார் 78 பேர் தங்கள் கண்களை தானம் செய்துள்ளனர். அந்த மருத்துவமனையில் இதற்கு முன்பு ஒரு மாதத்தில் 100க்கும் குறைவானவர்களே கண் தானம் செய்து வந்தனர் என்பது குறிப்பிடத்தக்கது.

Categories

Tech |