உலக மகளிர் டென்னிஸ் சாம்பியன்ஷிப் போட்டியில் ஸ்பெயின் வீராங்கனை கார்பின் முகுருஜா அரையிறுதிக்கு முன்னேறியுள்ளார்.
‘டாப்-8 ‘வீராங்கனைகள் மட்டும் பங்குபெறும் டபிள்யூ.டி.ஏ. என அழைக்கப்படும் உலக மகளிர் டென்னிஸ் சாம்பியன்ஷிப் போட்டி மெக்சிகோவில் குவாடலஜரா நகரில் நடைபெற்று வருகிறது. இதில் கலந்துகொண்ட 8 வீராங்கனைகள் இரண்டு பிரிவுகளாக பிரிக்கப்பட்டு லீக் சுற்றுப் போட்டிகள் நடைபெற்று வருகின்றன.
இதில் லீக் சுற்று முடிவில் ஒவ்வொரு பிரிவிலும் முதல் 2 இடங்களை பிடிக்கும் வீராங்கனைகள் அரையிறுதிக்கு முன்னேறுவர் . இதில் நேற்று முன்தினம் இரவு நடைபெற்ற ஆட்டத்தில் முன்னாள் நம்பர் ஒன் வீராங்கனையான ஸ்பெயின் நாட்டை சேர்ந்த கார்பின் முகுருஜா, எஸ்தோனியாவைச் சேர்ந்த கோன்டாவெய்ட்டை எதிர்த்து மோதினார். இதில் 6-4, 6-4 என்ற நேர் செட் கணக்கில் வெற்றி பெற்ற முகுருஜா அரையிறுதிக்கு முன்னேறியுள்ளார்.