இந்தியா-பாகிஸ்தான் அணிகளுக்கு இடையே மீண்டும் போட்டி நடத்துவது குறித்து பிசிசிஐ தலைவர் கங்குலி பதிலளித்துள்ளார் .
சர்வதேச கிரிக்கெட்டில் இருபெரும் எதிரி அணிகளாக பார்க்கப்படும் இந்தியா-பாகிஸ்தான் போட்டி என்றாலே விறுவிறுப்புக்கு பஞ்சம் இருக்காது .அதோடு சர்வதேச அளவில் ரசிகர்களின் எதிர்பார்ப்பும் வேற லெவலில் இருக்கும் .அதேசமயம் இரு அணி வீரர்களும் வெற்றி பெற மிகச்சிறந்த ஆட்டத்தை வெளிப்படுத்துவர் .இதனால் இரு அணி வீரர்கள் மற்றும் ரசிகர்களுக்கு இது ஒரு போட்டியாக மட்டுமல்லாமல் ஒரு உணர்வுப்பூர்வமாக ஆட்டமாக இருக்கும்.இதில்கடந்த 1980- 90களில் பாகிஸ்தான் அணி இந்திய அணியின் மீது ஆதிக்கத்தைச் செலுத்தியது .இதன்பிறகு 1990ல் பிற்பகுதியிலிருந்து 2000 ஆண்டுகளுக்கு பிறகு இந்திய அணி , பாகிஸ்தான் அணியின் மீது ஆதிக்கத்தை செலுத்த தொடங்கியது. அதோடு இந்திய அணி அதிக வெற்றிகளையும் குவித்துள்ளது .
இதனிடையே கடந்த 2013-ம் ஆண்டுக்குப் பிறகு இந்தியா-பாகிஸ்தான் அணிகள் இரு தரப்பு தொடரில் விளையாடுவதில்லை. அதோடு இருநாட்டு ராஜாங்க ரீதியில் சுமுக உறவு இல்லாததால் 2013 ஆம் ஆண்டிற்குப் பிறகு ஐசிசி நடத்தும் தொடர்களில் மட்டுமே இரு அணிகளும் விளையாடி வருகின்றன.இந்நிலையில் இந்தியா – பாகிஸ்தான் அணிகளுக்கு இடையேயான கிரிக்கெட் தொடரை மீண்டும் நடத்த வேண்டுமென கிரிக்கெட் ரசிகர்கள், முன்னாள் வீரர்கள் பலர் கருத்து தெரிவித்து வருகின்றனர் .அதோடு இரு நாடுகளுக்கு இடையேயான ராஜாங்க ரீதியான உறவை ஒதுக்கிவிட்டு கிரிக்கெட் போட்டியை மீண்டும் நடத்த வேண்டும் என பிசிசிஐ தலைவர் கங்குலி ,செயலாளர் ஜெய்ஷா ஆகியோரை பாகிஸ்தான் கிரிக்கெட் வாரிய தலைவர் ரமீஸ் ராஜா சந்தித்து வலியுறுத்தி இருந்தார் .
இதுகுறித்து பிசிசிஐ தலைவர் கங்குலி கூறும்போது,” இந்தியா – பாகிஸ்தான் அணிகளுக்கு இடையேயான கிரிக்கெட் தொடரை நடத்துவது இருநாட்டு கிரிக்கெட் வாரியங்களின் கையில் இல்லை என்றும் அதோடு ஐசிசி சார்பில் நடத்தப்படும் சர்வதேச கிரிக்கெட்டில் மட்டுமே இரு அணிகளும் மோதுகின்றன.மேலும் இரு அணிகளும் இருதரப்பு தொடர் விளையாடுவதை நிறுத்தி பல ஆண்டுகள் ஆகிவிட்டது .இதில் இரு நாட்டு அரசாங்கங்கள் தீர்வு காண வேண்டுமே தவிர எனது கையிலோ , ரமீஸ் ராஜாவின் கையிலோ எதுவுமில்லை “எனத் தெரிவித்துள்ளார்.