லைகர் படக்குழு படப்பிடிப்புக்காக அமெரிக்கா சென்றுள்ளதாக தகவல் வெளியாகியுள்ளது.
தெலுங்கு திரையுலகில் முன்னணி நடிகராக வலம் வருபவர் விஜய் தேவர் கொண்டா . தற்போது இவர் பூரி ஜெகன்நாத் இயக்கத்தில் உருவாகி வரும் லைகர் படத்தில் கதாநாயகனாக நடித்து வருகிறார். ஏற்கனவே இவர்கள் கூட்டணியில் வேர்ல்ட் பேமஸ் லவ்வர் படம் வெளியாகியிருந்தது குறிப்பிடத்தக்கது. தமிழ், தெலுங்கு, மலையாளம், ஹிந்தி, கன்னடம் உள்ளிட்ட மொழிகளில் வெளியாகவுள்ள இந்த படத்தை பிரபல பாலிவுட் தயாரிப்பாளர் கரண் ஜோகர், நடிகை சார்மி, பூரி ஜெகன்நாத் இணைந்து தயாரிக்கின்றனர்.
மேலும் இந்த படத்தில் சர்வதேச குத்துச்சண்டை வீரர் மைக் டைசன் நடிக்க இருப்பதாக படக்குழு அறிவித்திருந்தது. மைக் டைசன் நடிக்கும் முதல் இந்திய படம் என்பதால் இந்த படத்தின் மீது ரசிகர்கள் மிகுந்த எதிர்பார்ப்பில் உள்ளனர் . இந்நிலையில் படப்பிடிப்புக்காக லைகர் படக்குழு அமெரிக்கா சென்றுள்ளது. அங்கு விஜய் தேவர்கொண்டா, மைக் டைசன் இருவரும் மோதும் காட்சிகள் படமாக்கப்பட உள்ளது. மேலும் அமெரிக்காவில் உள்ள ஹோட்டலில் பூரி ஜெகன்நாத், விஜய் தேவர்கொண்டா இருவரும் உற்சாகத்துடன் அமர்ந்திருக்கும் புகைப்படம் வெளியாகி இணையத்தில் வைரலாகி வருகிறது.