நடிகர் அஜித் தனது 62வது படத்திற்கு புதிய இயக்குனருடன் கூட்டணி அமைத்து இருப்பதாக தகவல் வெளியாகியுள்ளது. இயக்குனர் சிவா இயக்கத்தில் வீரம், விவேகம், வேதாளம் மற்றும் விசுவாசம் உள்ளிட்ட படங்களில் நடித்துள்ளார்.அதன்பிறகு நேர்கொண்ட பார்வை மற்றும் வலிமை படங்களில் தொடர்ச்சியாக வினோத் இயக்கத்தில் போனி கபூர் தயாரிப்பில் நடித்தார். வலிமை படத்திற்கு யுவன் சங்கர் ராஜா இசை அமைத்துள்ளார்.இந்நிலையில் அஜித்தின் 62 வது படத்தை வினோத் தான் இயக்க உள்ளார் என்றும் போனிகபூர் மீண்டும் தயாரிக்க இருப்பதாகவும் செய்திகள் வெளியாகின.
ஆனால் சம்பந்தப்பட்டவர்கள் யாரும் உறுதி செய்யவில்லை. இதையடுத்து தற்போது அஜித் நடிக்கும் 62 வது படத்தை தியாகராஜன் குமாரராஜா இயக்க இருப்பதாக ஒரு தகவல் வெளியாகியுள்ளது. ஏற்கனவே குமாரராஜா தனது முதல் படமான ஆரண்ய காண்டத்திற்கு தேசிய விருது வென்றுள்ளார். அவர் எடுத்த சூப்பர் டீலக்ஸ் திரைப்படமும் வெகுவாக கொண்டாடப்பட்ட நிலையில் தற்போது அவர் அஜித்துடன் இணைய உள்ளார் என்ற செய்தி ரசிகர்களை உற்சாகப்படுத்திய உள்ளது.