டி20 உலகக் கோப்பை தொடரில் நமீபியா அணிக்கெதிரான ஆட்டத்தில் 45 ரன்கள் வித்தியாசத்தில் பாகிஸ்தான் அணி அபார வெற்றி பெற்றுள்ளது .
டி20 உலகக் கோப்பை தொடரில் நேற்று இரவு நடந்த ஆட்டத்தில் பாகிஸ்தான்- நமீபியா அணிகள் பலப்பரீட்சை நடத்தின .இதில் டாஸ் வென்ற பாகிஸ்தான் அணி பேட்டிங் தேர்வு செய்தது. அதன்படி முதலில் களமிறங்கிய பாகிஸ்தான் அணி 20 ஓவரில் 2 விக்கெட் இழப்பிற்கு 189 ரன்கள் குவித்தது. இதில் தொடக்க வீரர்களாக களமிறங்கிய ரிஸ்வான், கேப்டன் பாபர் அசாம் இருவரும் அரை சதம் அடித்து அசத்தினார் .
இதில் பாபர் அசாம் 70 ரன்களில் ஆட்டமிழக்க ,ரிஸ்வான் 79 ரன்னும் ஹபீஸ் 39 ரன்னும் எடுத்து இறுதி வரை ஆட்டமிழக்காமல் களத்தில் இருந்தார். இதன்பிறகு 190 ரன்களை வெற்றி இலக்காக கொண்டு நமீபியா அணி விளையாடியது .இதில் அதிகபட்சமாக கிரேக் வில்லியம்ஸ் 40 ரன்கள் , டேவிட் வைஸ் 43 ரன்கள் எடுத்தனர் .இறுதியாக நமீபியா அணி 5 விக்கெட் இழப்பிற்கு 144 ரன்கள் எடுத்து தோல்வி அடைந்தது. இதனால் பாகிஸ்தான் அணி 45 ரன்கள் வித்தியாசத்தில் அபார வெற்றி பெற்றுள்ளது .