ராகவா லாரன்ஸின் சகோதரர் அறிமுகமாகும் புதிய படத்தை கே.எஸ்.ரவிக்குமார் இயக்க இருக்கிறார்.
ராகவா லாரன்ஸ் தமிழ் சினிமாவில் இயக்குனர், நடிகர் என பன்முகத் திறமை கொண்டவர். இவர் தற்போது நடிப்பில் கவனம் செலுத்தி வருகிறார். இன்று பிறந்தநாள் கொண்டாடும் இவர் முக்கிய அறிவிப்பை வெளியிட்டுள்ளார். அதன்படி, அவரின் சகோதரர் எல்வின் கதாநாயகனாக அறிமுகமாகும் படத்தை கே.எஸ்.ரவிக்குமார் இயக்க இருப்பதாக அறிவித்துள்ளார்.
மேலும், இந்த படத்தில் லாரன்சு முக்கிய கதாபாத்திரத்தில் நடிக்க இருக்கிறார். இப்படம் ஆக்ஷன் மற்றும் காமெடி கலந்த படமாக உருவாக உள்ளது. விரைவில் இந்த படத்தின் படப்பிடிப்பு தொடங்க இருப்பதாக கூறப்படுகிறது.