பிரேசிலில் பேருந்தில் ஒரு இளம்பெண்ணிடம் தவறாக நடந்து கொண்ட நபருக்கு சரியான தண்டனை கிடைத்திருக்கிறது.
பிரேசிலில் இருக்கும் Belem என்ற பகுதியில் ஒரு இளம்பெண் பேருந்தில் பயணம் மேற்கொண்டிருந்துள்ளார். அப்போது ஒரு நபர் அந்த பெண்ணிடம் தவறாக நடந்திருக்கிறார். மேலும் மிகவும் மோசமாக அருவருக்கத்தக்க வகையில் நடந்திருக்கிறார். இதனால் பொறுத்துக் கொள்ள முடியாத அந்த பெண், அந்த நபரின் கழுத்தை பிடித்து நெரித்துவிட்டார்.
அந்த பெண் தற்காப்புக் கலைகள் கற்றவர். அவர் உடற்பயிற்சி செய்து விட்டு வீடு திரும்பிய போது தான் இச்சம்பவம் நடந்திருக்கிறது. அந்த நபர் இடம் தெரியாமல் மோதி விட்டார். அந்தப் பெண், தன் தற்காப்புக்கலையால் அந்த நபரை வெளுத்து வாங்கிவிட்டார்.
அதன்பின்பு அருகே இந்த காவல் நிலையத்தில் பேருந்தை நிறுத்துமாறு கூறிய அந்த பெண் அந்த நபரை இழுத்துக்கொண்டு சென்று காவல்துறையினரிடம் ஒப்படைத்துவிட்டு திரும்பி சென்றிருக்கிறார். பெண்களுக்கு தற்காப்புக் கலைகள் எவ்வளவு முக்கியம் என்பது இதன்மூலம் தெரியவிட்டது.