திருச்சி மாவட்டத்தில் மணப்பாறை பேருந்து நிலையம் அருகே உள்ள சின்னக்கடை வீதியில் புதிதாக ஆண்களுக்கு ரெடிமேடு கடை ஒன்று திறக்கப்பட்டது. லாக் டவுன் என்ற பெயரில் ஆரம்பிக்கப்பட்ட அந்த கடைவிளம்பரப் படுத்தும் நோக்கத்தில் கடையின் உரிமையாளர் திறப்பு விழாவை முன்னிட்டு 50 பைசாவுக்கு டீசர்ட் தருவதாக விளம்பரத்தை வெளியிட்டார். அதில் காலை 9 மணி முதல் ஒரு மணி வரை மட்டுமே இந்த சலுகை வழங்கப்பட்டது.
அதனால் கடை திறப்பதற்கு முன்பாகவே இளைஞர்கள் மட்டுமல்லாது அதிக அளவில் பெண்களும் திரண்டனர். இதையடுத்து கடையின் உரிமையாளர் 50 பைசா வாங்கிக் கொண்ட அனைவருக்கும் டோக்கன் வழங்கினார். இந்த டோக்கனை வாங்குவதற்கு கூட்டம் அலைமோதியது. அப்பகுதி முழுவதும் இருசக்கர வாகனங்களும் பொதுமக்களும் கூடினர். அதனால் சின்னக்கடை வீதியில் போக்குவரத்து பாதிக்கப்பட்டது.