ரஜினி நடிப்பில் வெளியான படங்களின் புகைப்படங்கள் இணையத்தில் வைரலாகி வருகிறது.
தமிழ் சினிமாவில் சூப்பர் ஸ்டாராக வலம் வருபவர் ரஜினிகாந்த். இயக்குனர் சிவா இயக்கத்தில் சூப்பர் ஸ்டார் ரஜினிகாந்த் நடித்துள்ள திரைப்படம் ”அண்ணாத்த”. இந்த திரைப்படம் தீபாவளிக்கு வெளியாக உள்ளது. ரசிகர்கள் அனைவரும் இந்த படத்திற்காக ஆவலாக எதிர்பார்த்து காத்துக் கொண்டிருக்கின்றனர்.
சில நாள்களுக்கு முன், இந்த படத்தின் ‘அண்ணாத்த அண்ணாத்த’ பாடல் வெளியாகி ரசிகர்களிடையே பாராட்டை பெற்றது. மேலும், ‘சாரா காற்றே’ என இரண்டாவது சிங்கிள் மற்றும் மூன்றாவது சிங்கிள் வெளியாகி வைரலானது. இதனிடையே, கீர்த்தி சுரேஷ் மற்றும் அவரின் அம்மா மேனகாவுடன் ரஜினி நடித்திருந்த புகைப்படத்தை சமூகவலைதளத்தில் அவரின் ரசிகர்கள் வைரலாக்கி வருகின்றனர். ஏனெனில், ரஜினி நடிப்பில் 1981இல் வெளியான ‘நெற்றிக்கண்’ படத்தில் மேனகா நடித்திருந்தார். தற்போது, அவரின் மகள் கீர்த்தி சுரேஷ் ”அண்ணாத்த” படத்தில் நடித்துள்ளார்.
