டி 20 உலகக் கோப்பை போட்டியை நேரில் காண 70 % பார்வையாளர்களுக்கு அனுமதி வழங்கப்படும் என்று ஐசிசி தெரிவித்துள்ளது .
டி20 உலகக்கோப்பை போட்டி இந்தியாவில் வருகின்ற அக்டோபர் 17-ஆம் தேதி முதல் நவம்பர் 14-ஆம் தேதி வரை நடைபெற இருந்தது. ஆனால் கொரோனா தொற்று பரவல் காரணமாக இந்தியாவில் நடைபெற இருந்த போட்டி ஐக்கிய அரபு அமீரகத்துக்கு மாற்றப்பட்டுள்ளது .இதற்கான அட்டவணையை சமீபத்தில் ஐசிசி வெளியிட்டது .அதோடு தொடரில் பங்கேற்கும் அனைத்து அணிகளின் வீரர்களின் பட்டியலும் வெளியிடப்பட்டுள்ளன .
இந்நிலையில் போட்டியை நேரில் காண ரசிகர்களுக்கு அனுமதி வழங்குவது குறித்து பிசிசிஐ மற்றும் ஐசிசி தீவிரம் காட்டி வந்தது. இந்நிலையில் ஐக்கிய அரபு அமீரகத்தில் நடைபெறும் டி20 உலகக் கோப்பை போட்டியை காண 70% ரசிகர்களுக்கு அனுமதி வழங்கப்படும் என ஐசிசி அறிவித்துள்ளது .அதுமட்டுமின்றி ஓமனில் நடைபெறும் ஆட்டத்தில் 3000 பார்வையாளர்கள் போட்டியை நேரில் காண அனுமதி வழங்குவது குறித்து ஆலோசனை நடத்தி வருகின்றது.