தமிழக முதல்வர் மு.க ஸ்டாலின் பல அரசு நிகழ்ச்சிகளில் கலந்து கொள்வதற்காகவும், அரசு திட்டங்கள் பற்றிய ஆய்வு பணியை மேற் கொள்வதற்கும், தர்மபுரிக்கு சென்றுள்ளார். அதன்பின்னர் தமிழக முதல்வர் தர்மபுரியில் உள்ள அரசு மருத்துவமனையில் ஒருங்கிணைந்த பேறுகால அவசர சிகிச்சை மற்றும் தீவிர சிகிச்சை பராமரிப்பு மைய கட்டிடம் போன்ற புதிய கட்டிடங்களை திறந்து வைத்தார்.
இதனைத் தொடர்ந்து 100 % கொரோனா தடுப்பூசி செலுத்தப்பட்டுள்ள தர்மபுரி மாவட்டத்தில் உள்ள 7 ஊராட்சிகளுக்கும் மற்றும் சிறப்பாக பணியாற்றிய ஊராட்சிமன்ற தலைவர்கள் மற்றும் கிராம சுகாதார செவிலியர்கள் போன்றோருக்கு விருது மற்றும் கேடயங்களை முதல்வர் மு.க ஸ்டாலின் வழங்கியுள்ளார். மேலும் கர்ப்பிணி தாய்மார்களுக்கும் அரசு சுகாதாரத் துறையின் பரிசுப்பெட்டகங்களையும் முதல்வர் வழங்கினார்.
மேலும் இந்த நிகழ்ச்சி நிறைவடைந்த பின்னர் ஒகேனக்கல்லில் அமைந்துள்ள நீர் சுத்திகரிப்பு நிலையம், கூட்டு குடிநீர் திட்ட நீரேற்று நிலையம், போன்ற கட்டமைப்புகளை ஆய்வு செய்வதற்காக முதல்வர் ஒகேனக்கல் சென்றிருக்கிறார். செல்லும் வழியில் காரை நிறுத்தி பள்ளி மாணவிகளை சந்தித்து பேசினார். அப்போது மாணவிகள் கைகளை தட்டி முதல்வர் மு.க ஸ்டாலின் உற்சாகமாக வரவேர்த்தனர். அதன் பின்னர் பள்ளியின் செயல்பாடுகள் பற்றி ஆசிரியர்கள் மற்றும் மாணவர்களிடம் முதல்வர் ஸ்டாலின் கேட்டறிந்தார்.