ஐசிஐசிஐ வங்கியில் நடப்பு கணக்கு வைத்துள்ள தொழில் முனைவோர்கள் தங்களது தொழில் விரிவாக்கத்திற்காக ஓவர் டிராஃப்ட் வசதியின் கீழ் 25 லட்சம் வரை கடன் பெற முடியும். இந்தத் திட்டத்தை செயல்படுத்துவதற்காக ஐசிஐசிஐ, அமேசான் நிறுவனத்துடன் ஒப்பந்தம் செய்துள்ளது. எனவே கடன் பெற விரும்புபவர்கள் அமேசான் தளத்திலும் பதிவு செய்திருக்க வேண்டும். அமேசான் தளத்தில் இதற்கான வசதியும் ஏற்பாடு செய்யப்பட்டுள்ளது.
வாடிக்கையாளர்கள் தங்களது வங்கிக் கணக்கு விவரம், ஜிஎஸ்டி ரிட்டன், வருமானவரி ரிட்டர்ன் போன்றவற்றை வழங்க வேண்டும். கடனுக்கான ஒப்புதல் கிடைத்தவுடன் கடன் தொகை முழுவதும் வாடிக்கையாளர்களின் வங்கி கணக்கில் உடனடியாக டெபாசிட் செய்யப்படும். கடன் பெற்றவர்கள் அதை திருப்பி செலுத்தும் நடவடிக்கையை பொறுத்து ஒவ்வொரு வருடமும் ஓவர் டிராஃப்ட் வசதி புதுப்பிக்கப்படும். ஐசிஐசிஐ வங்கியில் கணக்கு இல்லாதவர்களாக இருந்தால் உடனடியாக டிஜிட்டல் முறையில் கணக்கு தொடங்கும் வசதியும் இருக்கும்.