டி20 உலகக் கோப்பை போட்டிக்கு பிறகு இந்திய அணி தனது சொந்த மண்ணில் விளையாட உள்ள போட்டிக்கான அட்டவணையை பிசிசிஐ வெளியிட்டுள்ளது.
2021 – 2022 ஆம் ஆண்டில் இந்திய அணி தனது சொந்த மண்ணில் விளையாடும் போட்டிக்கான அட்டவணை இந்திய கிரிக்கெட் வாரியம் வெளியிட்டுள்ளது. அதன்படி வெஸ்ட் இண்டீஸ், நியூசிலாந்து ,இலங்கை மற்றும் தென் ஆப்பிரிக்கா ஆகிய அணிகளுக்கு எதிராக இந்திய அணி விளையாட உள்ளது. இதில் நியூசிலாந்துக்கு எதிரான தொடர் வருகின்ற நவம்பர் 17-ஆம் தேதி முதல் டிசம்பர் 3-ஆம் தேதி வரை 3 டி20 மற்றும் 2 டெஸ்ட் போட்டிகளில் விளையாட உள்ளது.
இதையடுத்து பிப்ரவரி 6-ஆம் தேதி முதல் 20-ம் தேதி வரை வெஸ்ட் இண்டீஸ் அணிக்கு எதிரான 3 ஒருநாள் மற்றும் 3 டி20 போட்டிகளில் விளையாடுகிறது .அடுத்ததாக பிப்ரவரி 25-ஆம் தேதி முதல் மார்ச் 18-ஆம் தேதி வரை இலங்கைக்கு எதிரான 2 டெஸ்ட் மற்றும் 3 டி20 போட்டிகளில் விளையாட உள்ளது. இறுதியாக ஜூன் 9-ஆம் தேதி முதல் ஜூன் 19-ஆம் தேதி வரை தென் ஆப்பிரிக்க அணிக்கு எதிராக 5 டெஸ்ட் போட்டிகளில் விளையாட உள்ளது.