விஜய் நடிப்பில் உருவாகி வரும் பீஸ்ட் படத்தின் அடுத்தகட்ட படப்பிடிப்பு டெல்லியில் நடைபெற உள்ளது.
தமிழ் திரையுலகில் முன்னணி கதாநாயகனாக வலம் வரும் விஜய் நடிப்பில் உருவாகி வரும் திரைப்படம் பீஸ்ட். நெல்சன் திலீப்குமார் இயக்கும் இந்த படத்தில் பூஜா ஹெக்டே கதாநாயகியாக நடிக்கிறார். மேலும் யோகி பாபு, செல்வராகவன், விடிவி கணேஷ், ஷைன் டாம் ஷாக்கோ, அபர்ணா தாஸ் உள்ளிட்ட பலர் முக்கிய கதாபாத்திரங்களில் நடிக்கின்றனர். சன் பிக்சர்ஸ் நிறுவனம் தயாரிக்கும் இந்த படத்திற்கு அனிருத் இசையமைக்கிறார். இந்த படத்தின் முதல்கட்ட படப்பிடிப்பு ஜார்ஜியாவில் நடைபெற்றது.
இதைத்தொடர்ந்து இரண்டாம் கட்ட படப்பிடிப்பு மற்றும் மூன்றாம் கட்ட படப்பிடிப்புகள் சென்னையில் நடைபெற்று வந்தது. இந்நிலையில் அடுத்தக்கட்ட படப்பிடிப்புக்காக பீஸ்ட் படக்குழு டெல்லி சென்றுள்ளதாக தகவல் வெளியாகியுள்ளது. அங்கு இந்த படத்தின் அதிரடி சண்டை காட்சிகள் படமாக்கப்பட இருப்பதாக கூறப்படுகிறது. மேலும் விஜய் உள்பட படக்குழுவினர் அனைவரும் விமானத்தில் டெல்லி செல்லும் புகைப்படங்கள் வெளியாகி இணையத்தில் வைரலாகி வருகிறது.