உணவு வீணாவது பற்றி விழிப்புணர்வு ஏற்படுத்த வேண்டும் என்பதற்காக பிஸ்கட் பாக்கெட்டுகளால் சிவலிங்கம் ஒன்றை உருவாக்கி புதிய முயற்சியை எடுத்துள்ளார் குஜராத்தை சேர்ந்த இளம்பெண்.
குஜராத் மாநிலம் சாம்பனெர் பகுதியை சேர்ந்தவர் ராதிகா சோனி. இவர் உணவு வீணாவது பற்றி விழிப்புணர்வு ஏற்படும் வகையில் புதிய முயற்சி ஒன்றை கையாண்டுள்ளார். அதன்படி 1008 பிஸ்கட் பேக்குகளை கொண்டு சிவலிங்கம் ஒன்றை உருவாக்கியுள்ளார். அதில் விநாயகர் சிலையை வைத்துள்ளார். இதுகுறித்து அவர் கூறிய பொழுது ஒவ்வொரு நாளும் உலகம் முழுவதும் மூன்றில் ஒரு பங்கு உணவு வீணாகிறது.
உணவு வீணாவது பற்றி விழிப்புணர்வை பரப்ப நாங்கள் முடிவு செய்தோம். இதற்காக பிஸ்கட் பேக்குகளை வைத்து லிங்கம் ஒன்றை வடிவமைத்துள்ளோம். விநாயகர் சிலையை கரைத்த பின்பு இந்த பிஸ்கட் பாக்கெட்டுகள் அனைத்தையும் ஏழைகளுக்கு நன்கொடையாக வழங்குவோம் என்று அவர் தெரிவித்துள்ளார்.