நடிகர் ரஜினி இளம் வயதில் தனது நண்பர்களுடன் இணைந்து எடுத்துக்கொண்ட புகைப்படம் ஒன்று வெளியாகியுள்ளது.
தமிழ் திரையுலகில் சூப்பர் ஸ்டாராக வலம் வரும் ரஜினி தற்போது அண்ணாத்த படத்தில் நடித்துள்ளார். சிவா இயக்கியுள்ள இந்த படத்தில் கீர்த்தி சுரேஷ், நயன்தாரா, குஷ்பு, மீனா, சூரி, பிரகாஷ் ராஜ், ஜெகபதி பாபு உள்ளிட்ட பலர் நடித்துள்ளனர். சன் பிக்சர்ஸ் நிறுவனம் தயாரிக்கும் இந்த படத்திற்கு டி.இமான் இசையமைத்துள்ளார். மேலும் வருகிற நவம்பர் 4-ஆம் தேதி அண்ணாத்த படம் தியேட்டர்களில் ரிலீஸாக உள்ளது. இதைத் தொடர்ந்து ரஜினியின் அடுத்த படத்தை தேசிங்கு பெரியசாமி இயக்க இருப்பதாக கூறப்படுகிறது.
விரைவில் இதுகுறித்த அறிவிப்புகள் வெளியாகும் என எதிர்பார்க்கப்படுகிறது. மேலும் அவ்வப்போது நடிகர் ரஜினியின் அரிதான புகைப்படங்கள் இணையத்தில் வைரலாகி வருகிறது. இந்நிலையில் நடிகர் ரஜினி இளம் வயதில் தனது நண்பர்களுடன் இணைந்து எடுத்துக்கொண்ட புகைப்படம் ஒன்று வெளியாகி ரசிகர்களை வெகுவாக கவர்ந்து வருகிறது.