இயக்குனர் கார்த்திக் நரேன் அடுத்ததாக அதர்வா கதாநாயகனாக நடிக்கும் படத்தை இயக்க இருப்பதாக தகவல் வெளியாகியுள்ளது.
தமிழ் திரையுலகில் துருவங்கள் பதினாறு படத்தின் மூலம் இயக்குனராக அறிமுகமானவர் கார்த்திக் நரேன். இதை தொடர்ந்து இவர் மாபியா, நரகாசுரன் போன்ற படங்களை இயக்கியிருந்தார். சமீபத்தில் வெளியான நவரசா ஆந்தாலஜி வெப் தொடரில் கார்த்திக் நரேன் இயக்கியிருந்த ‘புராஜெக்ட் அக்னி’ குறும்படம் ரசிகர்களிடையே நல்ல வரவேற்பை பெற்றது.
தற்போது இவர் தனுஷின் மாறன் படத்தை இயக்கி வருகிறார். இந்நிலையில் கார்த்திக் நரேன் அடுத்ததாக அதர்வா கதாநாயகனாக நடிக்கும் படத்தை இயக்க இருப்பதாக தகவல் வெளியாகியுள்ளது. மேலும் இந்த படத்தை ஐங்கரன் நிறுவனம் தயாரிக்க இருப்பதாக கூறப்படுகிறது. இதுகுறித்த அறிவிப்புகள் விரைவில் வெளியாகும் என எதிர்பார்க்கப்படுகிறது. தற்போது நடிகர் அதர்வா குருதி ஆட்டம், அட்ரஸ், தள்ளிப் போகாதே, ஒத்தைக்கு ஒத்த போன்ற படங்களை கைவசம் வைத்துள்ளார்.