அமெரிக்க மீட்பு விமானத்தின் மூலம் தப்பிச்சென்ற ஆப்கானிஸ்தான் நாட்டை சேர்ந்த மிக பிரபலமான பாப் பாடகி தற்போது துருக்கியில் தஞ்சமடைந்துள்ளதாக தெரிவித்துள்ளார்.
ஆப்கானிஸ்தான் நாட்டிலிருந்து அமெரிக்க படைகள் வெளியேற தொடங்கியதையடுத்து தலிபான்கள் அந்நாட்டை கொஞ்சம் கொஞ்சமாக கைப்பற்றியுள்ளார்கள். இதனையடுத்து தலிபான்களால் ஆப்கானிஸ்தான் நாட்டின் பெண்களுக்கு பாதுகாப்பில்லாத சூழல் உருவாகியுள்ளது. இதற்கிடையே ஆப்கானிஸ்தான் நாட்டை சேர்ந்த Aryana sayeed என்பவர் மிகவும் பிரபலமான பாப் பாடகியாக திகழ்கிறார்.
இந்நிலையில் இவர் ஆப்கானிஸ்தானில் தலிபான்களின் ஆதிக்கம் அதிகரிக்கத் தொடங்கியதைடுத்து அவருடைய கணவருடன் அமெரிக்க நாட்டின் மீட்பு விமானத்தின் மூலம் கத்தார் நாட்டிற்கு தப்பியோடியுள்ளார். அதன்பின் பிரபல பாப் பாடகியான Aryana அவருடைய கணவருடன் தற்போது துருக்கியில் தஞ்சமடைந்துள்ளதாக தெரிவித்துள்ளார்.