சலார் படத்தில் பிரபல வில்லன் நடிகர் ஜெகபதி பாபு இணைந்துள்ளதாக தகவல் வெளியாகியுள்ளது.
பாகுபலி என்ற பிரம்மாண்ட படத்தில் நடித்து இந்திய அளவில் பிரபலமடைந்தவர் பிரபாஸ். தற்போது இவர் சலார், ஆதிபுருஷ், ராதே ஷ்யாம் ஆகிய படங்களை கைவசம் வைத்துள்ளார். இதில் சலார் படத்தை கே.ஜி.எப் படத்தை இயக்கி பிரபலமடைந்த பிரசாந்த் நீல் இயக்குகிறார். இந்த படத்தில் ஸ்ருதிஹாசன், வாணி கபூர் இருவரும் கதாநாயகியாகளாக நடிக்கின்றனர்.
மேலும் தெலுங்கு, கன்னடம் ஆகிய மொழிகளில் உருவாகி வரும் இந்த படம் தமிழ், இந்தி, மலையாளம் உள்ளிட்ட மொழிகளில் டப் செய்யப்பட்டு வெளியாக உள்ளது. தற்போது இந்த படத்தின் படப்பிடிப்பு விறுவிறுப்பாக நடைபெற்று வருகிறது. இந்நிலையில் சலார் படத்தில் நடிகர் ஜெகபதி பாபு முக்கிய கதாபாத்திரத்தில் நடிக்க இருப்பதாக தகவல் வெளியாகியுள்ளது. நடிகர் ஜெகபதி பாபு தற்போது ரஜினியின் அண்ணாத்த படத்தில் வில்லனாக நடித்து வருகிறார் என்பது குறிப்பிடத்தக்கது.