யூரோ கோப்பை கால்பந்து தொடரின் இறுதிப் போட்டியில் 2-வது முறையாக இத்தாலி அணி சாம்பியன் பட்டத்தை தட்டி சென்றது .
16-வது ஐரோப்பிய கால்பந்து சாம்பியன்ஷிப் (யூரோ) தொடரின் இறுதிப் போட்டி லண்டனில் நடைபெற்றது . இந்திய நேரப்படி இன்று அதிகாலையில் நடைபெற்ற போட்டியில் தரவரிசையில் 7-வது இடத்திலுள்ள இத்தாலி அணி, இங்கிலாந்துடன் மோதியது. இதில் இங்கிலாந்து வீரர் லூக் ஷா ஆட்டம் தொடங்கிய 2- வது நிமிடத்தில் முதல் கோலை அடித்து இத்தாலி அணிக்கு அதிர்ச்சி அளித்தார். இதன் பிறகு யாரும் கோல் அடிக்கவில்லை. இதனால் முதல் பாதி ஆட்டத்தில் இங்கிலாந்து அணி 1-0 என்ற கோல் கணக்கில் முன்னிலை வகித்தது .
இதைத்தொடர்ந்து 2-வது ஆட்டத்தின் பாதியில் 67-வது நிமிடத்தில் இத்தாலி வீரர் லியனார்டோ போனுக்கி கோல் அடித்ததால் இரு அணிகளும் 1-1 என்ற கணக்கில் சமநிலையில் இருந்தன. இதனால் கூடுதல் நேரம் வழங்கப்பட்டும் இரு அணிகளும் கோல் அடிக்கவில்லை. இதையடுத்து வெற்றியாளரை தீர்மானிக்க பெனால்டி ஷூட் அவுட் வாய்ப்பு வழங்கப்பட்டது .இறுதியாக இத்தாலி அணி 3 -2 என்ற கோல் கணக்கில் இங்கிலாந்தை வீழ்த்தி அபார வெற்றி பெற்று கோப்பையை கைப்பற்றியது.