ஏல கூட்டத்தில் 33 லட்ச ரூபாய்க்கு பருத்தி ஏலம் போனது .
சேலம் மாவட்டத்திலுள்ள கோனேரிப்பட்டி தொடக்க வேளாண்மை கூட்டுறவு சங்க வளாகத்தின் பருத்தி விற்பனை சேவை மையத்தில் ஏலம் நடைபெற்றது. இதில் நெடுங்குளம், பூதப்பாடி, காவேரிப்பட்டி, கொட்டாயூர், தேவூர், கோனேரிப்பட்டி போன்ற பல்வேறு பகுதியில் உள்ள விவசாயிகள் பருத்தி மூட்டைகள் விற்பனைக்கு கொண்டு வந்தனர்.
இதனையடுத்து நாமக்கல், சேலம், திருப்பூர் போன்ற பகுதிகளில் இருந்து வியாபாரிகள் வந்து ஏலத்தில் பங்கேற்று பி.டி. ரக பருத்தி குவிண்டால் ஒன்றுக்கு குறைந்தபட்ச விலையாக 6 ஆயிரத்து 650 ரூபாய் முதல் அதிகபட்சமாக 7 ஆயிரத்து 140 வரை ஏலம் எடுக்கப்பட்டது. இவ்வாறு மொத்தம் 1,204 மூட்டைகளும் 33 லட்சத்து 41 ஆயிரத்து 950 ரூபாய்க்கு பருத்தி ஏலம் போனது.