ஜெயம் ரவியின் கோமாளி படம் தனி ஒருவன் படத்தின் வசூல் சாதனையை முறியடித்துள்ளது.
வெல்ஸ் பிலிம் இன்டர்நேஷனல் தயாரித்த தமிழ் நகைச்சுவைத் திரைப்படம் கோமாளி.பிரதீப் ரங்கநாதன் இயக்குனராக அறிமுகமாகியுள்ள இந்த படத்தில் நடிகர் ஜெயம் ரவி, காஜல் அகர்வால் சம்யுக்தா ஹெக்டே ,யோகி பாபு ஆகியோர் நடித்துள்ளனர். ஹிப்ஹாப் தமிழா இசையமைத்த இந்த படம் ஆகஸ்ட் 15_ஆம் தேதி வெளியிடப்பட்டது.
கோமாளி படம் வெளியாகியதில் இருந்து இப்படம் ரசிகர்களிடையே நல்ல வரவேற்பைப் பெற்றது. இதன் வசூல் தமிழகத்தில் மட்டும் ரூ.48 கோடியைத் தாண்டியுள்ளது. வசூல் ரீதியாக நல்ல இலாபத்தைக் கொடுத்த கோமளி படம் ஜெயம் ரவியின் தனி ஒருவன் படத்தின் தமிழக வசூலை சாதனையை முறியடித்துள்ளது குறிப்பிடத்தக்கது.