இயக்குனர் ஏ.எல்.விஜய் இயக்கத்தில் உருவாகியுள்ள தலைவி படத்தின் புதிய அப்டேட் வெளியாகியுள்ளது.
பிரபல இயக்குனர் ஏ.எல்.விஜய் இயக்கத்தில் உருவாகியுள்ள திரைப்படம் தலைவி. மறைந்த முன்னாள் முதல்வர் ஜெயலலிதாவின் வாழ்க்கை வரலாற்றை தழுவி இந்த படம் எடுக்கப்பட்டுள்ளது. இதில் நடிகை கங்கனா ரனாவத் ஜெயலலிதா கதாபாத்திரத்திலும், நடிகர் அரவிந்த்சாமி எம்.ஜி.ஆர் கதாபாத்திரத்திலும் நடித்துள்ளனர். மேலும் சமுத்திரகனி, மதுபாலா, பூர்ணா உள்ளிட்ட பலர் முக்கிய கதாபாத்திரத்தில் நடித்துள்ளனர். விப்ரி நிறுவனம் தயாரித்துள்ள இந்த படத்திற்கு ஜிவி பிரகாஷ் இசையமைத்துள்ளார்.
தற்போது இந்த படத்தின் படப்பிடிப்புகள் நிறைவடைந்து பின்னணி பணிகள் விறுவிறுப்பாக நடைபெற்று வருகிறது. இந்நிலையில் தலைவி படத்தின் தமிழ் பதிப்பிற்கு சென்சார் அதிகாரிகள் ‘யு’ சான்றிதழ் கொடுத்துள்ளதாக படக்குழு தெரிவித்துள்ளது. மேலும் அதில் ஹிந்தி மற்றும் தெலுங்கு பதிப்பின் சென்சார் தகவல்கள் விரைவில் வெளியிடப்படும் என குறிப்பிடப்பட்டுள்ளது.