ஸ்விட்சர்லாந்தில் சில புதிய சட்டங்களை அறிமுகப்படுத்துவது தொடர்பாக அந்நாட்டு பொதுமக்களிடம் வாக்கெடுப்பு நடத்தப்பட்டுள்ளது.
சுவிட்சர்லாந்தில் புதிய சட்டங்களை நடைமுறைக்கு கொண்டு வருவதற்கு முன்பாக அதுதொடர்பான வாக்கெடுப்பு பொதுமக்கள் மத்தியில் நடத்தப்படும். அதன்பின் பொது மக்களின் விருப்பத்திற்கிணங்கவே புதிய சட்டங்கள் அந்நாட்டில் அமல்படுத்தப்படும். அந்த வகையில் தற்போது சில முக்கிய சட்டங்கள் தொடர்பாக ஸ்விட்சர்லாந்தில் வாக்கெடுப்பு நடைபெற்றுள்ளது.
அதில் ஒன்று, கொரோனா தொற்று தொடர்பான முடிவுகளை அரசாங்கமே எடுக்கலாம் என்பதாகும். இதற்கு 60.21% பொதுமக்கள் தங்களுடைய ஆதரவை தெரிவித்து அதனை வெற்றி பெறச் செய்துள்ளார்கள். இதனையடுத்து காவல் துறையினர்களே தீவிரவாதத்திற்கு எதிரான நடவடிக்கைகளை எடுக்கலாம் என்பதற்கு சுமார் 56.58 சதவீத மக்கள் சம்மதம் தெரிவிக்குமாறு தங்களுடைய வாக்கை அளித்து அதனையும் வெற்றி பெறச் செய்துள்ளார்கள்.
இதனைத் தொடர்ந்து கார்பன்-டை-ஆக்சைடு சட்டத்திற்கு 51.6 சதவீத மக்கள் வேண்டாம் என்று வாக்களித்து அதனை நிராகரித்து விட்டார்கள். அதுபோல் ஆரோக்கியமான உணவு, சுத்தமான குடிநீர் போன்ற சட்டங்களுக்கு 60.7% பொதுமக்கள் வாக்களித்து அதனை வேண்டாமென்று நிராகரித்துள்ளார்கள்.