பிரெஞ்சு ஓபன் டென்னிஸ் போட்டியில் சிட்சிபாஸ், அரையிறுதிச் சுற்றுக்கு முன்னேறினார்.
பிரெஞ்சு ஓபன் டென்னிஸ் போட்டி, பாரிஸ்நகரில் நடந்து வருகிறது. இதில் ஆண்களுக்கான ஒற்றையர் பிரிவில், காலிறுதி சுற்றில் கிரீஸ் வீரரான ஸ்டெபனோஸ் சிட்சிபாஸ் , ரஷ்ய வீரர் டேனில் மெத்வதேவை எதிர்கொண்டார் . இதில் 6-3, 7-6,7-5 என்ற செட் கணக்கில்,மெத்வதேவை தோற்கடித்து சிட்சிபாஸ் அரையிறுதிச் சுற்றுக்கு முன்னேறினார்.
மற்றொரு போட்டியில் 6 வது இடத்தில் இருக்கும், ஜெர்மனி வீரர் அலெக்சாண்டர் ஸ்வெரேவ் , ஸ்பெயின் வீரர் டேவிடோவிச் போகினாவுடன் மோதினார் . இதில் 6-4, 6-1, 6-1 என்ற நேர் செட் கணக்கில் ஸ்வெரேவ், வெற்றி பெற்று அரையிறுதிக்கு சுற்றுக்கு முன்னேறினார். இந்த வெற்றியின் மூலம் ஸ்வெரேவ் பிரெஞ்ச் ஓபன் டென்னிஸ் போட்டியில், முதல்முறையாக அரையிறுதிச் சுற்றுக்கு முன்னேறியுள்ளார் என்பது குறிப்பிடத்தக்கது.நாளை நடக்கும் அரையிறுதிச் சுற்றில் சிட்சிபாஸ், ஸ்வெரேவை எதிர்கொள்கிறார் .