‘தளபதி 65’ படத்தில் இயக்குனர் செல்வராகவன் வில்லனாக நடிக்க இருப்பதாக தகவல் பரவி வருகிறது.
தமிழ் திரையுலகில் முன்னணி கதாநாயகனாக வலம் வரும் விஜய்க்கு ஏராளமான ரசிகர்கள் உள்ளனர். சமீபத்தில் இவர் நடிப்பில் வெளியான மாஸ்டர் திரைப்படம் ரசிகர்களிடையே நல்ல வரவேற்பை பெற்றது. தற்போது நடிகர் விஜய் இயக்குனர் நெல்சன் திலீப்குமார் இயக்கத்தில் தளபதி 65 படத்தில் நடித்து வருகிறார். இந்த படத்தில் பூஜா ஹெக்டே கதாநாயகியாக நடிக்கிறார். சன் பிக்சர்ஸ் நிறுவனம் தயாரிக்கும் இந்த படத்திற்கு அனிருத் இசையமைக்கிறார்.
இந்த படத்தின் முதல்கட்ட படப்பிடிப்பு ஜார்ஜியாவில் நடைபெற்றது. விரைவில் அடுத்த கட்டப்படப்பிடிப்பு சென்னையில் நடைபெற உள்ளது. இந்நிலையில் தளபதி 65 படத்தில் பிரபல இயக்குனர் செல்வராகவன் வில்லனாக நடிக்க பேச்சுவார்த்தை நடைபெற்று வருவதாக தகவல் பரவி வருகிறது . மேலும் பிரபல பாலிவுட் நடிகர் ஜான் ஆபிரகாம் இந்தப் படத்தில் வில்லனாக நடிக்க அதிக வாய்ப்பு இருப்பதாக கூறப்படுகிறது. விரைவில் இது குறித்த அதிகாரப்பூர்வ அறிவிப்புகள் வெளியாகும் என எதிர்பார்க்கப்படுகிறது.