இன்று நடைபெறும் 31வது லீக் ஆட்டத்தில், சன்ரைசர்ஸ் ஹைதராபாத் – மும்பை இந்தியன்ஸ் அணிகள் மோதுகின்றன.
நேற்று நடைபெற இருந்த கொல்கத்தா- பெங்களூர் அணிகளுக்கிடையேயான போட்டியில், கொல்கத்தா அணியில் 2 வீரர்களுக்கு , கொரோனா தொற்று ஏற்பட்டதால் அந்த போட்டி ரத்தானது. எனவே இன்று நடைபெற உள்ள போட்டியில் , சன்ரைசர்ஸ் ஹைதராபாத் – மும்பை இந்தியன்ஸ் அணிகள் மோதுகின்றன. இதற்கு முன் 7 போட்டிகளில் விளையாடிய ஹைதராபாத் அணி, ஒன்றில் மட்டும் வெற்றி பெற்று , மற்ற 6 போட்டிகளில் தோல்வியை சந்தித்துள்ளது.
இதுபோல 7 போட்டிகளில் விளையாடிய மும்பை அணி , 4 போட்டிகளில் வெற்றி பெற்று ,3 போட்டிகளில் தோல்வியை சந்தித்துள்ளது. இதனால் இன்று நடைபெற உள்ள போட்டியில், மும்பை அணி வெற்றியை கைப்பற்றுமா அல்லது ஹைதராபாத் அணி தொடர் தோல்விக்கு முற்றுப்புள்ளி வைக்குமா என்ற எதிர்பார்ப்பு காணப்படுகிறது. இந்த போட்டி இன்று இரவு 7.30 மணிக்கு டெல்லி அருண் ஜெட்லி ஸ்டேடியத்தில் நடைபெற உள்ளது .