கர்ணன் படத்தில் இடம்பெற்ற முக்கிய காட்சியின் புகைப்படம் ஒன்று இணையத்தில் வைரலாகி வருகிறது.
தமிழ் திரையுலகில் நட்சத்திர நாயகனாக வலம் வரும் தனுஷ் நடிப்பில் மாரி செல்வராஜ் இயக்கத்தில் வெளியான கர்ணன் திரைப்படம் ரசிகர்களிடையே நல்ல வரவேற்பை பெற்றது. இந்த படத்தில் ரெஜிஷா விஜயன், யோகிபாபு, கௌரி கிஷன், லால் உள்ளிட்ட பலர் முக்கிய கதாபாத்திரத்தில் நடித்திருந்தனர். மேலும் இந்த படம் தனுஷின் திரைப்பயணத்தில் அதிக அளவு வசூல் சாதனை படைத்த படமாக அமைந்துள்ளது.
இந்நிலையில் கர்ணன் படத்தின் முக்கிய காட்சியின் புகைப்படம் ஒன்று இணையத்தில் வைரலாகி வருகிறது. அதாவது கர்ணன் படத்தின் கிளைமேக்ஸ் காட்சியில் மறைந்த ஊர் பெரியவர்களின் புகைப்படங்கள் வைக்கப்பட்டிருக்கும் . அதில் ஒருவரின் பெயர் பரியேறும் பெருமாள் என உள்ளது . இயக்குனர் மாரி செல்வராஜ் இயக்கத்தில் முதலில் வெளியாகி சூப்பர் ஹிட் அடித்த திரைப்படம் பரியேறும் பெருமாள் என்பது குறிப்பிடத்தக்கது.