வாட்ஸ் அப் நம்பர் கேட்ட ரசிகருக்கு நடிகை ஸ்ருதிஹாசன் போலீஸ் அவசர உதவி எண்ணை அளித்துள்ளார்.
தமிழ் சினிமாவில் பிரபல நடிகையாக வலம் வருபவர் ஸ்ருதிஹாசன்.இவர் நடிப்பில் சமீபத்தில் வெளியான கிராக், வக்கில் ஷாப் ஆகிய படங்கள் மாபெரும் வரவேற்பை பெற்றது. இதைத்தொடர்ந்து ஸ்ருதிஹாசன் தற்போது முன்னணி நடிகர் விஜய் சேதுபதியின் லாபம் படத்தில் நடித்து வருகிறார். இதற்கிடையில் சமூக வலைத்தளங்களில் ஆக்டிவாக இருக்கும் ஸ்ருதிஹாசன் அவ்வபோது ரசிகர்களுடன் கலந்துரையாடி வருவார்.
அந்த வகையில் சமீபத்தில் அவர் ரசிகர்களிடம் கலந்துரையாடியுள்ளார். அப்போது ரசிகர் ஒருவர்,மேடம் ப்ளீஸ் உங்களது வாட்ஸ்அப் நம்பரை கொடுங்கள் என்று கேட்டுள்ளார். இதற்கு பதிலளித்த ஸ்ருதிஹாசன் காவல்துறையின் உதவி என்னான 100 என்ற நம்பரை அளித்துள்ளார். ஸ்ருதிஹாசன் செய்த இந்த பதிவு தற்போது இணையத்தில் வைரலாக பரவி வருகிறது.
