இயக்குனர் ஷங்கரின் புதிய படம் குறித்த தகவல் வெளியாகியுள்ளது.
தமிழ் சினிமாவில் பிரபல இயக்குனராக வலம் வருபவர் ஷங்கர். இவர் கமலின் இந்தியன் 2 படத்தை இயக்கி வந்தார். ஆனால் படப்பிடிப்பில் ஏற்பட்ட விபத்து காரணமாகவும், கமல்ஹாசன் அரசியலில் பிஸியாக இருந்ததன் காரணமாகவும் இப்படத்தின் படப்பிடிப்பு நிறுத்தி வைக்கப்பட்டுள்ளது.
இதை தொடர்ந்து இயக்குனர் ஷங்கர் பிரபல நடிகர் ராம்சரணை வைத்து புதிய படம் ஒன்றை இயக்கவுள்ளார். இதுகுறித்து அதிகாரப்பூர்வ அறிவிப்பு கடந்த சில தினங்களுக்கு முன்பு வெளியானது. இந்நிலையில் ஷங்கர் இயக்கும் மற்றொரு புதிய படத்தின் தகவல் வெளியாகி உள்ளது.
அதன்படி பிரபல பாலிவுட் நடிகர் ரன்வீர் சிங் நடிக்கும் படத்தை ஷங்கர் இயக்க உள்ளார். இப்படம் தமிழில் விக்ரம் நடிப்பில் வெளியான ‘அந்நியன்’ படத்தின் ரீமேக்காக இருக்கும் என்று சொல்லப்படுகிறது. மேலும் இதன் படப்பிடிப்பு வரும் 2022ஆம் ஆண்டு தொடங்க இருப்பதாக அறிவிப்பு வெளியாகி உள்ளது.