முன்னணி நடிகர் அருண் விஜய்யின் புதிய படத்தின் அப்டேட் வெளியாகியுள்ளது.
தமிழ் சினிமாவில் கடந்த 2017 ஆம் ஆண்டு வெளியான ‘குற்றம் 23’ திரைப்படத்தை இயக்கியவர் அறிவழகன். இவர் தற்போது மீண்டும் அருண் விஜய்யுடன் இணைந்து திரைப்படம் எடுக்க தயாராகியுள்ளார். இப்படத்திற்கு தற்காலிகமாக ‘AV 31’ என்று பெயர் வைக்கப்பட்டுள்ளது. இப்படத்தில் ரெஜினா, ஸ்டெஃபி பட்டேல் ஆகிய இரண்டு கதாநாயகிகள் நடிக்கின்றனர்.
ஆல் இன் பிக்சர்ஸ் நிறுவனம் தயாரித்து வரும் இப்படத்தின் வெளியீட்டு உரிமையை 11:11 புரோடக்ஷன்ஸ் நிறுவனம் கைப்பற்றியுள்ளது.மேலும் வரும் ஏப்ரல் 14ஆம் தேதி இப்படத்தின் டைட்டிலும், ஏப்ரல் 15ஆம் தேதி இப்படத்தின் பஸ்ட் லுக் போஸ்டரும் வெளியாகும் என்று படக்குழு அறிவித்துள்ளது.