விஷால்- ஆர்யா நடிப்பில் உருவாகிவரும் எனிமி படத்தின் லேட்டஸ்ட் அப்டேட் வெளியாகியுள்ளது.
தமிழ் திரையுலகில் முன்னணி கதாநாயகர்களாக வலம் வரும் ஆர்யா மற்றும் விஷால் இருவரும் இணைந்து நடித்து வரும் திரைப்படம் எனிமி. இயக்குனர் ஆனந்த் ஷங்கர் இயக்கும் இந்த படத்தில் பிரகாஷ்ராஜ், கருணாகரன், மிருணாளினி, மம்தா மோகன்தாஸ் உள்ளிட்ட பலர் முக்கிய கதாபாத்திரத்தில் நடிக்கின்றனர். மினி ஸ்டுடியோஸ் நிறுவனம் தயாரிக்கும் இந்த படத்திற்கு தமன் இசையமைக்கிறார். சமீபத்தில் துபாயில் எனிமி படத்தின் படப்பிடிப்பு நடைபெற்று வந்தது. மேலும் 50 அடி உயரத்தில் உள்ள ஒரு கட்டிடத்தின் மேல் நடிகர் விஷால் நிற்கும் அட்டகாசமான போஸ்டரை படக்குழு வெளியிட்டிருந்தது.
For those who are asking ENEMY updates , friends 90% of the film is completed and Ten days shoot left in Chennai. Planning to finish it asap and releasing the Teaser In two weeks time. 🙏 #Enemy
— Vinod Kumar (@vinod_offl) April 10, 2021
இந்நிலையில் இந்த படத்தின் லேட்டஸ்ட் அப்டேட்டை தயாரிப்பாளர் வினோத்குமார் ட்விட்டரில் தெரிவித்துள்ளார். அதில் அவர் ‘எனிமி படப்பிடிப்பு 90% முடிவடைந்துள்ளது. 10 நாட்கள் சென்னையில் மீதமுள்ள படப்பிடிப்பு நடைபெற உள்ளது’ என பதிவிட்டுள்ளார். மேலும் அவர் விரைவில் எனிமி டீஸர் வெளியாகும் என்று அறிவித்துள்ளார். இதனால் ரசிகர்கள் மிகுந்த உற்சாகத்தில் உள்ளனர்.