தமிழ் திரையுலகில் முன்னணி காமெடி நடிகராக இருக்கும் யோகி பாபுவின் திரைப்பயணம் எதிலிருந்து தொடங்கியது என்று கண்டறியப்பட்டுள்ளது.
தமிழ் சினிமாவில் முன்னணி நடிகர்களாக இருக்கும் பலரும் ஆரம்ப கட்டத்தில் சின்னத்திரையில் சிலசில கதாபாத்திரத்தில் நடித்து தான் தற்போது மிகவும் பிரபலமாகி இருப்பர். இதற்கு உதாரணமாக பிரபல காமெடி நடிகர் சந்தானத்தையும், பிரபல முன்னணி நடிகர் சிவகார்த்திகேயனையும் கூறலாம்.
இந்த வரிசையில் அடுத்ததாக பிரபல காமெடி நடிகர் யோகிபாபுவும் இடம் பிடித்துள்ளார். இவர் தற்போது பல முன்னணி நடிகர்களுடன் நடித்து பிரபலமாக இருந்தாலும் இவரது ஆரம்ப கட்ட சினிமா வாழ்க்கையில் சின்ன கதாபாத்திரத்தில் தான் நடித்துள்ளார். யோகி பாபு முதன் முதலில் லொள்ளு சபா நிகழ்ச்சியின் மூலமாக தான் அறிமுகமாகியுள்ளார் என்று பலரும் நினைத்துக் கொண்டிருக்கின்றனர்.
ஆனால் அதற்கு முன் ஒளிபரப்பான “மை நேம் இஸ் மங்கம்மா” என்கின்ற சீரியல் மூலமாகத்தான் யோகி பாபுவின் சினிமா பயணம் தொடங்கியுள்ளது. இதை தொடர்ந்து படிப்படியாக மேலே வந்த அவர் தற்போது தமிழ் சினிமாவின் முன்னணி காமெடி நடிகராக இருந்து வருகிறார்.
