பிரபல நடிகை ஷகிலா அரசியலில் இணைந்துள்ள புகைப்படம் இணையத்தில் வைரலாகி வருகிறது.
மலையாள படத்தின் மூலமாக திரையுலகிற்கு அறிமுகமானவர் நடிகை ஷகிலா.இதை தொடர்ந்து இவர் தமிழ், தெலுங்கு, கன்னடம், இந்தி உள்ளிட்ட பல மொழி படத்தில் நடித்து ரசிகர்கள் மத்தியில் தனக்கென ஒரு இடத்தை பிடித்துள்ளார். இவரது வாழ்க்கை வரலாற்றுப் படம் சில நாட்களுக்கு முன்பு வெளியாகி நல்ல வரவேற்பை பெற்றது.
இந்நிலையில் ஷகிலா பிரபல தொலைக்காட்சி சேனலான விஜய் டிவியில் ஒளிபரப்பாகிவரும் குக் வித் கோமாளி நிகழ்ச்சியில் போட்டியாளராக பங்கேற்று வந்தார். ஆனால் கடந்த வாரம் அவர் எலிமினேட் செய்யப்பட்டார். இதைத்தொடர்ந்து ஷகிலா தற்போது அரசியலில் இணைந்துள்ளார். அதன்படி தமிழக காங்கிரஸ் மனித உரிமை துறையில் அவர் இணைந்த புகைப்படம் இணையத்தில் வெளியாகி உள்ளது. இந்த புகைப்படம் தற்போது வைரலாகி வருகிறது.
