கேஜிஎஃப் 2 டீசர் உலக சாதனை பெற்றுள்ளதால் ரசிகர்கள் அதனை கொண்டாடிவருகின்றனர்.
கடந்த 2018 ஆம் ஆண்டு யாஷ் நடிப்பில் வெளியான கேஜிஎப் திரைப்படம் இந்திய அளவில் மாபெரும் ஹிட் அடித்தது. இப்படத்தை பிரசாந்த் நீல் இயக்கினார். இதை தொடர்ந்து கேஜிஎப் இரண்டாம் பாகத்தையும் பிரசாந்த் பிரம்மாண்டமாக உருவாக்கியுள்ளார்.இப்படத்திற்கான டீஸர் கடந்த ஜனவரி மாதம் யூடியூப்பில் வெளியிடப்பட்டது.
அது தற்போது உலக அளவில் சாதனை படைத்துள்ளது. ஏனென்றால் தற்போது வரை கேஜிஎப் 2 டீசரை 175 மில்லியனுக்கு அதிகமானோர் பார்த்துள்ளனர். இதற்கு முன்பு கடந்த 2019ஆம் ஆண்டு வெளியான “முலன்” படத்தின் டீஸர் 175 மில்லியன் பார்வையாளர்களை பெற்று சாதனை படைத்திருந்தது. ஆனால் தற்போது அதனை கேஜிஎப் 2 டீசர் முறியடித்துள்ளது. இதனை ரசிகர்கள் கொண்டாடி வருகின்றனர்.
