பிக் பாஸ் நிகழ்ச்சியில் கலந்து கொண்டு புகழ்பெற்ற மோகன் வைத்தியா டிடிவி தினகரன் முன்னிலையில் அமமுக கட்சியில் இணைந்துள்ளார்.
தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடுபிடிக்கத் தொடங்கியுள்ளது. ஒவ்வொரு கட்சியினரும் தங்கள் எதிர்க்கட்சியினரை கடுமையாக விமர்சித்து தேர்தல் பிரசாரம் செய்து வருகிறார்கள். அதுமட்டுமன்றி தங்கள் ஆட்சி தமிழகத்தில் அமைந்தால் மக்களுக்கு பல்வேறு நலத்திட்டங்களை செய்து தருவதாக வாக்குறுதி அளிக்கப்பட்டு வருகின்றன.
அதன்படி அதிமுக கடந்த சில நாட்களாக தமிழகத்தின் பல்வேறு நலத்திட்டங்களை செய்து வருகிறது. மேலும் சட்டமன்ற தேர்தலில் போட்டியிடும் வேட்பாளர்கள் விருப்ப மனு தாக்கல் செய்து வருகிறார்கள். இதனையடுத்து ஒவ்வொரு கட்சியினரும் கூட்டணி மற்றும் தொகுதி பங்கீடு பற்றி தீவிர ஆலோசனை நடத்தி வருகின்றனர். அதிலும் சில காட்சிகளில் கூட்டணி குறித்த பேச்சுவார்த்தையில் இழுபறி நீடித்து வருகிறது.
தங்களுக்கு உரிய தொகுதி ஒதுக்காததால் கூட்டணியில் இருந்து பிரிந்து சென்று வேறு கட்சியுடன் கூட்டணி அமைத்து வருகின்றன. அதன்படி அதிமுக கட்சியில் இருந்து பலரும் விலகிச் சென்று திமுக போன்ற பல கட்சிகளின் கூட்டணி வைத்துள்ளனர். அதனால் அரசியல் வட்டாரத்தில் பரபரப்பு ஏற்பட்டுள்ளது.
இந்நிலையில் பிரபல கர்நாடக இசைப் பாடகரும், பிரபல திரைப்பட நடிகருமான மோகன் வைத்தியா டிடிவி தினகரன் முன்னிலையில், அமமுக கட்சியில் தன்னை இணைத்துக் கொண்டார். பிக் பாஸ் நிகழ்ச்சியில் கலந்துகொண்டு புகழ்பெற்ற இவர் சமீபத்தில் பாஜகவில் இணைந்த நிலையில், திடீர் திருப்பமாக அமமுகவில் இணைந்துள்ளார். வரும் சட்டமன்ற தேர்தலில் அமமுக வேட்பாளர்களை ஆதரித்து, பரப்புரை மேற்கொள்வார் என்று தகவல் வெளியாகியுள்ளது.