நீதிமன்ற ஆன்லைன் விசாரணையில் இருக்கும் போது திடீரென பூனை பில்டர் இயங்கி வழக்கறிஞர் பேசியது பூனை பேசுவது போல் தெரிந்ததால் நீதிபதி அதிர்ச்சியடைந்தார்.
அமெரிக்காவில் ரோட் போண்டோன் என்ற வழக்கறிஞர் வசித்து வருகிறார். உலகெங்கும் பரவிய கொரோனா வைரஸ் தொற்று காரணமாக பள்ளி, கல்லூரி வகுப்புகள், அரசாங்க அதிகாரிகள் மற்றும் இதர நிறுவனங்கள் தொடர்பான அனைத்து சந்திப்புகளும் ஆன்லைனில் வீடியோ கால் மூலமாகவே நடைபெற்றுக்கொண்டிருக்கிறது. அதன் படி வழக்கறிஞரான ரோட் தனது உதவியாளரின் கணினி மூலம் ஆன்லைன் நீதிமன்ற விசாரணையில் கலந்து கொண்டுள்ளார். அப்போது அந்த ஆன்லைன் விசாரணையில் வழக்கறிஞர் பேசிக் கொண்டிருந்த சமயத்தில், திடீரென பூனையின் பில்டர் என்ற அமைப்பு தவறுதலாக இயங்கி விட்டது.
அந்த அமைப்பை வழக்கறிஞர் மாற்ற முயற்சித்த போதும், அவரால் அதை அணைக்க முடியவில்லை. அப்போது “நீங்கள் பேசுவது கேட்கிறது என்றும், ஆனால் ஏதோ ஒரு பில்டர் இயக்கத்தில் உள்ளது” எனவும் அந்த அழைப்பில் பேசிய நீதிபதி தெரிவித்துள்ளார். அதற்கு அந்த வழக்கறிஞர் இதனை எவ்வாறு மாற்றுவது என்று எனக்கு தெரியவில்லை எனவும், என்னுடைய உதவியாளர் இதனை மாற்றிக் கொண்டிருக்கிறார் என தெரிவித்துள்ளார். இதுகுறித்து ரோட் கூறும்போது, எனது உதவியாளர் கணினியில் பில்டரை தவறுதலாக இயக்கி வைத்துள்ளார். அதனை சரி செய்த பிறகு தான் பூனையின் முகம் மாறி எனது முகம் அந்த வீடியோவில் தெரிந்தது என கூறியுள்ளார்.