சுதா கொங்கரா இயக்கத்தில் சூர்யா நடிப்பில் வெளியாகி வெற்றி பெற்ற திரைப்படம் சூரரைப்போற்று. இந்த படம் ஆஸ்கார் போட்டியில் களமிறங்கியுள்ளது.
சூர்யா நடிப்பில் தீபாவளிக்கு வெளியாகி வெற்றிகரமாக அமைந்த சூரரைப்போற்று படத்தை ஏர் டெக்கான் நிறுவனம் ஜிஆர் கோபிநாத்தின் வாழ்க்கையில் நிகழ்ந்த சில சுவாரஸ்யமான நிகழ்வுகளை மையப்படுத்தி உருவாக்கப் பட்டது. தமிழ், தெலுங்கு ஆகிய இரு மொழிகளிலும் உருவாகும் இப்படத்தை டுடி என்ற நிறுவனம் தயாரித்தது. கடந்த ஆண்டு ஓ.டி.டி தளத்தில் வெளியான படத்தில் அதிகம் பேரால் பாராட்டப்பட்ட தமிழ் படம் என்ற சாதனையை இப்படம் பெற்றது.
சூரரைப்போற்று திரைப்படம் ஆஸ்கார் போட்டியில் தற்போது களமிறங்கியுள்ளது. கொரோனா காரணமாக இந்த முறை ஆஸ்கார் போட்டியில் சில மாற்றங்கள் செய்து உள்ளனர். அதன்படி ஓ.டி.டி தளங்களில் வெளியான படங்கள் கூட ஆஸ்கார் போட்டியில் பங்கேற்கலாம். அந்த வகையில் சூரரை போற்று திரைப்படம் சிறந்த இயக்குனர், சிறந்த நடிகர், சிறந்த நடிகை, சிறந்த கதாசிரியர் உள்ள அனைத்து பிரிவுகளிலும் போட்டியிடுகிறது. இதனை படக்குழுவினர் அதிகாரப்பூர்வமாக அறிவித்துள்ளனர்.