இந்தியாவில் குடியரசு தினத்தை முன்னிட்டு பப்ஜி என்ற கேமுக்கு மாற்றாக FAU-G என்ற புதிய கேம் இன்று முதல் அறிமுகம் ஆகியுள்ளது.
தற்போதைய காலகட்டத்தில் அனைவரும் செல்போன் பயன்படுத்தி வருகிறார்கள். அதிலும் குறிப்பாக இளைஞர்கள் முதல் பெரியவர்கள் வரை அனைவரும் ஆன்லைன் விளையாட்டு தற்போது அடிமையாகியுள்ளனர். அவ்வாறு ஆன்லைன் விளையாட்டுக்கு அடிமையாகி சிலர் உயிரைப் பறி கொடுத்துள்ளனர். அதில் பப்ஜி என்ற ஆன்லைன் விளையாட்டாய் பல உயிர்கள் பறிபோய் உள்ளன. மொபைல் கேம் களின் முடிசூடா அரசனாக விளங்கிய பப்ஜியால் இளைஞர்களும் சிறுவர்களும் பாதிக்கப்படுகின்றனர் என்ற காரணத்தால் அந்த கேம் தடை செய்யப்பட்டது.
அதற்கு மாற்றாக FAU-G என்ற புதிய கேம் இன்று நாடு முழுவதும் அறிமுகமாகியுள்ளது. பப்ஜி போன்ற அம்சங்கள் அனைத்தும் இந்த கேமில் உள்ளதாக அதை விளையாடியவர்கள் தெரிவிக்கின்றனர். அந்த விளையாட்டுக்கான முன்பதிவு 40 லட்சத்தை கடந்துள்ளது. மேலும் இந்த விளையாட்டு வீரர்களுக்கு இந்திய வீரர்களின் தியாகங்கள் குறித்து சொல்லும் என இதை தயாரித்த என்கோர் நிறுவனம் தெரிவித்துள்ளது.