ஆப்பிள் அதிகமாக சாப்பிடாதீங்க… பக்க விளைவுகள் அதிகமா ஏற்படும்… ஆபத்து…!!!

ஆப்பிள் பழம் அதிகமாக சாப்பிடுவதால் ஏற்படும் பிரச்சனைகள் பற்றி தெரிந்து கொள்ளுங்கள்.

ஆப்பிள் பழத்தில் உள்ள நார்ச்சத்து, நமது உடலில் ஜீரணத்திறனை அதிகரிப்பதோடு மட்டுமல்லாது, செரிமான மண்டலம் சீராக இயங்க துணைபுரிகிறது. மேலும் இதில் உள்ள வைட்டமின் சி, பொட்டாசியம், நமது உடலின் வளர்ச்சி மற்றும் வளர்சிதை மாற்றத்திற்கு பேருதவி புரிகிறது. இவ்வளவு சிறந்த அம்சங்கள் கொண்ட ஆப்பிள் பழத்தை நாம் அதிகளவு உட்கொள்ளும் பட்சத்தில், அதுவே நமது உயிரைப் பறிக்கும் எமனாகவும் மாறி விடுகிறது என்பதை நாம் ஒருநாளும் மறந்துவிடக் கூடாது.

ஒரு நல்ல உடற்திறனுள்ள மனிதர், நாள் ஒன்றுக்கு சராசரியாக 2 ஆப்பிள்களை உட்கொள்ளலாம். ஒருவேளை அதற்கு மேல் அவர் உட்கொள்ளும் பட்சத்தில், அவருக்கு உடனடியாக சில பக்கவிளைவுகள் ஏற்படுவதை அவர் கண்கூடாக காணலாம். அத்தகைய பக்கவிளைவுகள் குறித்து நாம் இந்த கட்டுரையில் விரிவாக காண்போம்.

செரிமான பிரச்சினைகள்

நமது உடல் சிறந்து செயல்பட, நார்ச்சத்து மிக முக்கியமான தேவையாகும். ஆனால், இதே நார்ச்சத்து, நமக்கு மிக அதிகளவில் கிடைக்கும்பட்சத்தில், அது செரிமானக் கோளாறுகளுக்கு வழிவகுக்கும். ஒருவரின் வயது மற்றும் அவர் சார்ந்த பாலினத்திற்கு ஏற்ப அவருக்கு நாள் ஒன்றுக்கு 20 முதல் 40 கிராம்கள் அளவிற்கு நார்ச்சத்து தேவைப்படுகிறது. இதன் அளவு 70 கிராம்களாக அதிகரித்தால், செரிமானக் கோளாறு ஏற்படுவது தவிர்க்க முடியாததாகி விடுகிறது.

நாள் ஒன்றுக்கு 15 ஆப்பிள்களை சாப்பிட்டால் மட்டுமே, நமக்கு 70 கிராம்கள் நார்ச்சத்து கிடைக்கும். நமது உடலுக்கு தேவையான நார்ச்சத்து, ஆப்பிள் பழங்கள் மட்டுமல்லாது, பீன்ஸ், முழு கோதுமை, காய்கறிகளின் மூலமும் நமக்கு கிடைக்கிறது. இதன்காரணமாக, நாம் நாள் ஒன்றுக்கு 4 ஆப்பிள்களை உட்கொண்டாலே, 70 கிராம்களுக்கு மேல் நார்ச்சத்து நமக்கு கிடைத்துவிடுகின்றன.

இரத்தத்தில் சர்க்கரை அளவில் மாறுபாடுகள்

ஆப்பிள் பழத்தில் அதிகளவு கார்போஹைட்ரேட்கள் உள்ளன. உடற்பயிற்சி செய்பவர்கள் இதன்காரணமாகவே, ஆப்பிள் பழத்தை விரும்பி உண்கின்றனர். நாம் மூடு அவுட் ஆக இருக்கும்போது, ஆப்பிள் பழத்தை சாப்பிட்டால், அது நமது மூளையில், செரோடோனின் என்ற ஹார்மோனை சுரந்து நம்மை மகிழ்ச்சியான மனநிலைக்கு கொண்டு செல்ல உதவுவதாக பிரபல மருத்துவர் தனது ஆய்வில் குறிப்பிட்டுள்ளார்.

இந்த ஒரு காரணத்திற்காக மட்டும், அதிக ஆப்பிள் சாப்பிட்டால், அதிக மகிழ்ச்சியாக இருக்கலாம் என்று எண்ணிவிடாதீர்கள். அதிக ஆப்பிள் சாப்பிடும் பட்சத்தில், ரத்தத்தில் சர்க்கரையின் அளவு அதிகரிக்கும் வாய்ப்பு உள்ளது. இதன்காரணமாக, பல்வேறு உபாதைகள் வரலாம் என்பதை மறந்துவிட வேண்டாம்.

குறைந்த வளர்சிதை மாற்ற விகிதம் அல்லது நீரிழிவு குறைபாடு உள்ளவர்கள், பழங்களை சிறிது சாப்பிட்டாலும், அவர்களுக்கு ரத்தத்தில் சர்க்கரையின் அளவு மிக வேகமாக அதிகரித்து விடுகிறது. நீரழிவு பாதிப்பை தடுக்கும் வகையில் மேற்கொண்டு வரும் இன்சுலின் சிகிச்சை உள்ளிட்ட மருந்துகளின் செயல்பாடுகளில் தடை ஏற்படுவதாக அந்த ஆய்வில் குறிப்பிட்டப்பட்டுள்ளது.

அதிகளவு பூச்சிக்கொல்லிகள்

ஆப்பிள், சர்வதேச அளவில் அனைவராலும் மிகவும் விரும்பி உண்ணப்படும் பழம் என்பதால், இதன் அதிக விளைச்சல் மற்றும் அறுவடைக்காக விவசாயிகள் அதிகளவில் பூச்சிக்கொல்லி மருந்துகளை பயன்படுத்தி வருகின்றனர். அதிக பூச்சிக்கொல்லி மருந்துகளை பயன்படுத்தி விளைவிக்கும் பழங்களில், ஆப்பிள் முதன்மை இடத்தில் உள்ளதாக Environmental Working Group’s dirty dozen listல் வகைப்படுத்தப்பட்டுள்ளது.

ஆப்பிள் விளைச்சலின் போது, விவசாயிகள் diphenylamine என்ற வேதிப்பொருளை அதிகளவில் பயன்படுத்தி வருகின்றனர். இந்த வேதிப்பொருளில், புற்றுநோயை உருவாக்கும் கார்சினோஜென் அதிகளவில் இருப்பதால், ஐரோப்பிய யூனியன் அமைப்பு, இதற்கு தடைவிதித்துள்ளது. ஆப்பிள் விளைச்சலில், இந்த வேதிப்பொருள் மட்டுமல்லாது மேலும் பல்வேறு வகையான வேதிப்பொருட்கள் பயன்படுத்தப்பட்டு வருவதாக அவர் எச்சரித்துள்ளார்.

உடல் எடையை அதிகரிக்கும் ஆப்பிள்

ஆப்பிள் பழங்களில் அதிகளவில் கார்போஹைட்ரேட் சத்து இருப்பதால், இது ரத்தத்தில் சர்க்கரையின் அளவை அதிகரிப்பதோடு மட்டுமல்லாது, மேலும் பல்வேறு வகையான உடல் உபாதைகளுக்கும் வழிவகுத்து விடுகிறது. அதிகப்படியான சர்க்கரை சத்து, உடல் எடையை அதிகரிக்க செய்துவிடுகிறது. உடல் எடை அதிகரித்த பின்பு, அதை குறைக்க பலர் படாதபாட படுவதை நாம் கண்கூடாக பார்த்து வருகிறோம்.

ஆப்பிளில் உள்ள அதிகப்படியான சர்க்கரை, நமது உடலில் கொழுப்புகளாக தங்கி விடுகிறது. இந்த அதிகப்படியான கொழுப்பு, நமது உடல் எடையை பெருமளவிற்கு அதிகரித்து விடுகிறது. இந்த கொழுப்பை குறைக்க நாம் அதிகம் பிரயத்தனம் மேற்கொள்ள வேண்டி உள்ளது.

பற்களுக்கு சேதம் விளைவிக்கும் ஆப்பிள்

ஆப்பிள் அமிலத்தன்மை கொண்டதாக உள்ளதால், இந்த பழத்தை அதிகம் சாப்பிடுபவர்களுக்கு பற்களில் சிதைவு உள்ளிட்ட பிரச்சினைகள் ஏற்படும் வாய்ப்புகள் அதிகம் உள்ளன. இதனை தவிர்க்கும் பொருட்டு, ஆப்பிள் பழங்களை தனியாக சாப்பிடாமல், நமது உணவின் ஒருபகுதியாக அதை மாற்றியமைத்துக் கொள்ள வேண்டும். நாள் ஒன்றுக்கு ஒரு ஆப்பிள் சாப்பிட்டு வந்தால், பற்கள் சம்பந்தமான எவ்வித பிரச்சினைகளும் நமக்கு ஏற்படாது என்பது மறுக்க முடியாத உண்மை.

உங்கள் தீவிரங்களுக்கு கூடுதல் அழுத்தம்

ஆப்பிள் பழங்களை அதிகம் சாப்பிடுபவர்களுக்கு குடலில் எரிச்சல் நோய்க்குறி ஏற்படும் வாய்ப்பு அதிகம் இருப்பதாக இரைப்பையியல் நிபுணர்கள் எச்சரித்துள்ளனர். ஆப்பிள் பழங்களில் உள்ள அதிகப்படியான சர்க்கரை, செரிமான மண்டலத்தை பாதித்து ஜீரணத்திறனை தடை செய்கின்றன. அடிக்கடி வீக்கம், வாயுக்கோளாறுகள், செரிமான அசவுகரியங்கள் உள்ளவர்கள், ஆப்பிள் பழத்தை போதுமானவரை தவிர்ப்பது நல்லது.

Categories